كيفية عمل اعلان على الانترنت بالخطوات

أهمية عمل اعلان على الانترنت:

في عصر التكنولوجيا ومع تطورها يوم بعد يوم أصبح اعتمادنا على الانترنت اعتماد رئيسي في الشغل والحياة. وعشان كدة بيلجأ كل صاحب شغل ومشروع مهما كان حجمه للاعلان على الانترنت ودة اللي بيخلي سؤال " كيفية عمل اعلان على الانترنت بالخطوات" واحد من أكتر الاسئلة اللي بيسألوها الناس بشكل يومي. وعشان كدة في المقال دة هنجاوب على السؤال دة واسئلة تانية كتير تخص كيفية عمل اعلان على الانترنت عشان تقدر تدير مشروعك وتكبره بشكل إحترافي أكتر ومن غير تكاليف كتير إضافية. ولكن في البداية محتاجين نعرف إن الاعلان على الانترنت له أنواع وطرق كتير وكل طريقة منهم ليها وقتها واستخدامها ودة اللي هنعرفه في السطور الجاية.

في وسط زحمة الحياة وضيق الوقت بقى اعتماد الناس على الانترنت اعتماد كلي في كل حاجة تقريبًا حتى لما يحبوا يشتروا أي حاجة بيلجأوا للإنترنت عشان يبحثوا ويعرفوا إيه هي أحسن حاجة وأحسن مكان بيقدمها وهنا بيجي دور وأهمية الاعلان على الانترنت وكيفية عمل اعلان على الانترنت هي اللي بتحدد نجاح الاعلان دة من فشله. وممكن نلخص أهمية عمل اعلان على الانترنت في النقط دي:

• بيتيح لك انك توصل لعدد اكبر من الناس على عكس الاعلانات التقليدية في الشوارع اللي مش هيشوفها غير المارين بالشارع دة وبس.
• الاعلان على الانترنت بيتيح لك توصل للعملاء المهتمين بمجالك ومنتجاتك أو خدماتك وبس على عكس اعلانات التليفزيون او الشارع التقليدية اللي بيشوفها كم كبير من الناس الغير مهتمين باللي بتقدمه.
• الاعلان على الانترنت بيفتحلك المجال في انك تخوض المنافسة وتكون متواجد بقوة وسط السوق والمنافسين وبالتالي تقدر تكبر مشروعك وتكون معروف اكتر في السوق.

انواع الاعلان على الانترنت:

الانترنت هو عالم تاني جوا عالمنا وفيه منصات ومواقع كتير جدًا مختلفة زي مواقع التواصل الاجتماعي، محركات البحث، والمنتديات أو المواقع الإخبارية والمواقع الخاصة بالشركات. ودة بيخلي حجم المنافسة كبير جدًا لأن بيكون عندك أكتر من مكان تعرض فيه إعلانك ودة يحدده المسوق الإلكتروني الخاص بيك بناءًا على نوع الإعلان، مجالك، نوع الجمهور المستهدف وحاجات تانية كتير. ولكن قبل ما نتعرف على كل دة خلونا نعرف إيه هي أنواع الإعلان على الانترنت عشان نقدر نعرف كيفية عمل اعلان على الانترنت بالطريقة الصحيحة. وبتنقسم الاعلانات على الانترنت لأكتر من نوع هنعرفهم بالتفصيل في السطور الجاية وهم:

• الإعلان عبر محركات البحث SEM
• الإعلان عبر منصات التواصل الاجتماعي Social media ads
• اعلانات اليوتيوب
• الإعلان عبر البريد الالكتروني email marketing
• الإعلان عبر تطبيقات الهاتف

الإعلان عبر محركات البحث:

من مميزات عمل اعلان ممول على جوجل إنه بيتيح لك أكتر من نوع للإعلان عشان يناسب أهدافك وحجم مشروعك والانواع دي لازم تعرفها كويس جدا عشان تقدر تعرف طريقة عمل اعلان ممول على جوجل الصحيحة وهم:

1. إعلانات البحث:

إعلانات البحث هي أكتر نوع منتشر في إعلانات جوجل ودة بسبب إنك بتظهر للناس اللي بتدور على حاجة معينة بإستخدام كلمات معينة إنت اللي بتحددها ودة مش بس بيخليك قادر توصل لجمهورك المستهدف بسهولة ولكن بيخليك كمان توصل للناس اللي محتاجة خدمتك في وسط جمهورك المستهدف.

1. الـ video ads

النوع دة من الإعلانات بيكون مهم جدًا لو حابب يكون لك إعلان حقيقي بتكلفة أقل من تكلفة الإعلان عن طريق قنوات التليفزيون ودة لأن الفيديو الخاص بيك بيبدأ يظهر للناس على منصات مختلفة متحدة مع جوجل وأشهرهم الإعلانات اللي بتظهر على اليوتيوب قبل أو في نص الفيديو.

1. إعلانات العرض:

النوع دة من الإعلانات يعتبر ببساطة تأجير مساحة في مواقع مختلفة عشان يظهر فيها إعلانك زي مواقع الأخبار، الرياضة، وغيرها كتير ودة بيكون مفيد جدًا لو هدفك هو الإنتشار أكتر من الوصول لفئة معينة من الناس.

1. إعلانات التسوق

إعلانات التسوق أو الـ shopping ads هي أنواع من الإعلانات الخاصة بالمنتجات ودة لأن المستخدم لما بيكتب إسم المنتج بيبدأ جوجل يظهرله نفس المنتج في أكتر من موقع مختلف بسعره ونبذة بسيطة عنه عشان يقدر يعمل مقارنة سريعة قبل ما ياخد قرار زيارة أي موقع من المواقع دي.

الاعلان عبر منصات التواصل الاجتماعي:

يعتبر الاعلان عبر منصات التواصل الاجتماعي هو اشهر انواع الاعلانات الحالية وأهمهم ودة بيرجع لكثرة استخدام المنصات دي. ومن أهم المنصات للاعلان عليها هم فيسبوك وانستجرام ودة بيرجع لعدد المستخدمين لأن عدد مستخدمين الفيسبوك حاليًا هو 2.9 مليار أما انستجرام فبلغ عدد مستخدميه لـ 1.35 مليار ودي أرقام ضخمة جدًا انها تكون موجودة في مكان واحد. والأهم من كدة هو الامكانيات اللي بتقدمهالك مواقع التواصل الاجتماعي وانت بتعمل اعلانك لأنك بتقدر تحدد كل حاجة تخص الجمهور اللي عايز إنه يشوف إعلانك زي العمر، مكان السكن، الحالة الإجتماعية، المؤهلات الدراسية، الجنس، وكمان الإهتمامات وحاجات تانية كتير عشان تضمن وصولك للجمهور اللي فعلًا مهتم وبالتالي تضمن نتائج فعالة للإعلان. ودة كله بتقدر تعرفه أكتر لما تعرف كيفية عمل اعلان على الانترنت بالتفصيل ومع شوية خبرة وتجربة بتقدر تعمل دة بشكل أفضل وأسهل.

اعلانات اليوتيوب:

اليوتيوب هو منصة خاصة بالفيديوهات وبيوصل عدد مستخدميها لـ 2 مليار مستخدم شهريًا ودة اللي بيخليه منصة مناسبة جدًا للاعلان من خلالها بالإضافة إلى إن المحتوى المرئي والمسموع دايمًا بيكون جذاب أكتر من غيره من أنواع المحتوى المكتوب. وفي أكتر من نوع من أنواع الاعلانات على اليوتيوب زي الاعلانات القابلة للتخطي، الاعلانات الغير قابلة للتخطي، الاعلانات النصية، والاعلانات الصغيرة وكل نوع من انواع الاعلانات دي بتكون فعالة ومناسبة على حسب مجال شغلك والمحتوى المتاح عندك.

الإعلان عبر البريد الالكتروني email marketing:

الجمهور عادًة بيحب احساس انه مميز عند الشركة اللي بيتعامل معاها وإنه مش مجرد زبون وخلاص ودة اللي بيخلي الاعلان عبر البريد الالكتروني واحد من أقوى وأهم طرق الاعلان على الانترنت. والاعلان عبر البريد الالكتروني هو ببساطة زي نشرة اخبار بتبعتها الشركة لكل العملاء وقت العروض والخصومات أو وقت طرح منتجات جديدة. ودة بيساعد على زيادة المبيعات لأن حتى لو العميل مش محتاج لمنتجك دلوقتي او مش بيفكر يشتريه هيجيله الفكرة بمجرد ما يشوفه قدامه وهنا بيجي دور المحتوى إنه يُشعر القارئ انه محتاج لمنتجك أو ان منتجك هيساعده يعيش حياة أفضل أو إنه هيفتقد شيء كبير لو مشتراش منتجك دة.

الإعلان عبر تطبيقات الهاتف:

الهواتف الذكية دلوقتي بقت أساسية في حياتنا ومفيش حد تقريبًا مبقاش بيستخدمها. وكلنا بنحتاج نستخدم تطبيقات مختلفة سواء لشغلنا أو تطبيقات الألعاب لوقت فراغنا. والتطبيقات دي بتسمح بتأجير مساحة إعلانية عليها عشان يظهر اعلانك لعدد أكبر من المستخدمين والجمهور.

كيفية اختيار المنصة المناسبة للاعلان:

يتخبط الكثير من المعلنين حول اختيار المنصة المناسبة للاعلان عليها خاصًة في البداية أو عند وجود ميزانية اعلانية قليلة. ولكن عشان تقدر تختار المنصة المناسبة لاعلانك في بعض الحاجات اللي لازم تاخد بالك منها زي:

• تحليل المنافسين ومعرفة المنصات اللي بيعلنوا عليها.
• دراسة جمهورك المستهدف ومعرفة المنصة اللي بيكونوا أكتر تفاعل معاها أو موجودين عليها بشكل أكبر.
• توافق المحتوى مع المنصة. فمثلًا منصات زي انستجرام ويوتيوب بيعتمدوا على الاعلانات المرئية، فلو كان المحتوى بتاعك محتوى نصي، المنصات دي مش هتكون مفيدة بالنسبالك للإعلان عليها.

وبعد دراسة النقط دي هتكون قدرت تحدد المنصة المناسبة ليك ومن بعدها هتقدر تعرف كيفية عمل اعلان على الانترنت بالطريقة الصحيحة اللي تضمنلك أحسن نتائج لإعلانك.

كيفية عمل اعلان على الانترنت:

• عشان تقدر تعمل إعلان على الإنترنت محتاج إنك تجرب تحدد المنصة اللي هتعلن من خلالها سواء كانت منصات التواصل الإجتماعي، جوجل، أو الإعلان على البريد الإلكتروني وكمان هتحتاج في البداية تجرب أكتر من منصة لأن دة هيساعدك تحدد أكتر منصة مناسبة ليك عشان تقدر بعد كدة تعلن عليها بشكل مستمر من غير ما تهدر فلوسك ووقتك في منصات قد تكون مش مناسبة لنوع الخدمات أو المنتجات اللي بتقدمها.
• عشان إعلانك على الإنترنت يكون له قيمة ويعود عليك بعائد يستحق، محتاج دايمًا يكون عندك محتوى مرئي ومكتوب قوي يشد إنتباه العملاء ليك بسهولة.
• التجربة والإختبار هم سر الإعلان على الإنترنت وهم اللي هيوصلوك لأفضل طرق الإعلان على الإنترنت عشان كدة زي ما هتجرب منصات مختلفة، محتاج تجرب محتوى مختلف بأكتر من شكل ونوع وطريقة عشان تقدر تفهم المحتوى اللي بيجذب عملائك.
• التخطيط هو أساس كل شغل مظبوط، عشان كدة وبعد مرحلة التجربة محتاج لخطة تسويقية واضحة تحدد فيها عدد الإعلانات اللي محتاجها، المنتجات اللي هتعلن عنها، العروض، وكمان أنواع المحتوى اللي هتكون موجودة.
• عشان تقدر تعمل إعلان على الإنترنت لازم تحدد من البداية التكلفة اللي هتقدر تدفعها وتشوف التكلفة دي هتعود عليك بعدد رسائل وزيارات قد ايه عشان تقدر تحدد هل هي مناسبة ولا محتاج تزودها.
• عمل الإعلان على الإنترنت مش بيتوقف عند المرحلة اللي هيتشغل فيها الإعلان وإنما هنا بيبدأ شغلك في تحليل النتائج عشان تعرف هل إنت على الطريق الصح ولا محتاج تغير أي حاجة في إعلانك خاصًة مع تطور التكنولوجيا يوم عن يوم.

تكلفة عمل اعلان على الانترنت:

بعد ما اتعرفت على كيفية عمل اعلان على الانترنت بالطريقة الصحيحة، بيجي السؤال الأهم وهو إيه هي تكلفة عمل اعلان على الانترنت؟ وعشان تعرف تاخد إجابة مظبوطة على السؤال دة محتاج تعرف ان التكلفة بتختلف مع اختلاف المنصة اللي هتعلن عليها، هدف الحملة، جودة المحتوى، مجال عملك، وجودة تحديد الجمهور المستهدف. ودي كلها حاجات هنتكلم عنها بالتفصيل في السطور الجاية عشان تقدر تعرف امتى تحكم ان التكلفة عالية وامتى تقول ان الاعلان تكلفته مناسبة. ولكن أهم حاجة تعرفها هي إن ما دام العائد مقابل المصروف أكتر من 1.5 دة معناه إن تكلفة الاعلان مناسبة. بمعنى انك لو صرفت في اعلانك 1000 جنيه بعد نسبة المسوق والتكاليف الإضافية لفريق العمل وفي المقابل كانت المبيعات بـ 1500 جنيه فا دة معناه ان صافي الربح 50% ودي نسبة كويسة جدًا تخليك مطمن إن اعلانك ناجح.

هدف الحملة:

أيًا كانت المنصة اللي هتعلن عليها لمنتجك أو خدماتك، بيكون عندك اكتر من هدف من الاعلان تختار ما بينهم والاهداف دي بتختلف بين وصول، رسايل، مكالمات، بيانات، واهداف تانية كتير وكل هدف منهم بيكون له تكلفة مختلفة عن التانية فمثلًا هدف الوصول بيكون أرخص كتير من هدف الحصول على رسالة أو مكالمة وهكذا.

جودة المحتوى:

أهم قواعد التسويق هي إن المحتوى هو الملك، ودة لأن المحتوى هو اللي قادر يشد الجمهور ويخليه عميل دائم أو لا وعشان كدة محتاج دايمًا تتأكد إن المحتوى الخاص بإعلانك محتوى قوي وجذاب وبيوصل الرسالة اللي عايز توصلها لجمهورك بسهولة وسلاسة.

تحديد الجمهور المستهدف:

أهم خطوة لازم تدرسها وانت بتسأل عن كيفية عمل اعلان على الانترنت هي خطوة تحديد الجمهور المستهدف، وهنا بتحتاج تعمل دراسة شاملة لجمهورك عشان تقدر توصله أسرع وأحسن وتحصل على احسن النتائج من اعلانك على الانترنت.

نصائح للحصول على احسن نتائج ومعرفة كيفية عمل اعلان على الانترنت:

النتائج بتختلف من حملة اعلانية للتانية ولكن ف الأخر كل اللي بيهتم بيه صاحب العمل هو النتائج وعشان كدة هنقولك على نصايح تعملها تحسن من جودة اعلانك بعد ما عرفت كيفية عمل اعلان على الانترنت وتخليك تحصل على نتائج مرضية:

• المحتوى لازم يكون جذاب ويحسس القاريء إن الاعلان دة معمول عشانه هو مخصوص.
• الصورة هي أول حاجة بيشوفها المستخدم عشان كدة لازم تكون إبداعية وبتوصل الرسالة.
• لازم الصور المستخدمة كلها تكون بجودة عالية ويكون مقاسها متوافق مع مقاس المنصة اللي بتعلن عليها عشان تتأكد إنها هتظهر للمستخدم كاملة.
• لازم يكون عندك CTA قوي ويكون متماشي مع هدفك الإعلاني بمنى إنك مينفعش تطلب من الناس يعملوا إعجاب للصفحة وهدفك هو المكالمات أو التفاعل.
• حاول تتبع دايمًا استراتيجية الـ FOMO أو إنك تحسس المستخدم إن هيفوته حاجة كبيرة لو مشتراش منتجاتك ومش هيكون مواكب للناس اللي حواليه.
• ركز جدًا على تحديد جمهورك المستهدف والأفضل إنك ترسم buyer persona أو شخصية خيالية للمشتري المثالي في دماغك عشان تقدر تحدد كل حاجة في استهدافك صح.
• اعمل اكتر من اعلان بنفس الهدف عشان تقدر تختبر أنهي نسخة وأنهي استهداف نتائجهم أحسن.
• اعتمد على إعادة الإستهداف للعملاء اللي اشتروا منك بالفعل وخصوصًا في أوقات العروض.
• اعمل تحليل شامل وقوي لمنافسينك عشان تقدر تتجنب أي نقاط ضعف عندهم وتقدر تنفذ نقاط القوة ويكون عندك احسن منها.
• كل منصة ليها سياسات مختلفة خاصة بيها، عشان كدة لازم تتأكد إن اعلانك متوافق مع سياسة المنصة اللي بتعلن من خلالها عشان تتجنب اي حجب لاعلانك.
• اعتمد في إعلاناتك على رأي الجمهور السابق ويفضل يكون عن طريق فيديو لأن دة هيزود ثقة العملاء الجدد فيك ويشجعهم ياخدوا قرار.

لمعرفة كيفية عمل اعلان على الانترنت بالخطوات محتاج انك تقوم بكتابة إعلانك بطريقة جذابة، في السطور الجاية هنوضح لك بعض الخطوات للبدء في كتابة اعلان ممول جذاب ومن ضمن الخطوات هي:

اعرف جمهورك المستهدف:

الخطوة الأولى قبل كتابة اعلانك الممول هي معرفة جمهورك المستهدف، نجاح اعلانك الممول يتوقف على الاستهداف الصحيح للجمهور المناسب، لذلك مهم انك تقوم بالبحث عن سلوكيات و تفضيلات جمهورك المستهدف عن طريق استخدامهم لكلمات مفتاحية معينة عند البحث.

اعرف جمهورك المستهدف وقم بدراسته لتحقيق كيفية عمل اعلان على الانترنت بالخطوات ناجح.

بالتالي محتاج انك تحدد أهدافك التسويقية والرسالة التسويقية اللي عايز توصلها لجمهورك بشكل واضح لتحقيق كيفية عمل اعلان على الانترنت بالخطوات، من المهم معرفة عميلك المثالي لنشاطك التجاري وتقدر تحدد عن طريق معرفة الفئة العمرية والجنس والحالة الاقتصادية والاجتماعية الخاصة به والمنطقة الجغرافية ومعرفة الكلمات المفتاحية التي يقوموا بالبحث عنها.

دليلك الشامل لمعرفة الفرق بين الديجيتال ماركتنج والسوشيال ميديا.

بعض الطرق التي تساعدك في معرفة الجمهور المستهدف ومنها:

• اطلع على المواقع الالكترونية التي تُعلن عن منتجات مشابهة لمنتجاتك، والتعرف على طريقتهم التسويقية المستخدمة.
• ابحث على أكبر قدر ممكن من منافسينك لعلاماتك التجارية، وحدد ما الذي يجعل بعض العلامات التجارية أكثر فعالية من الآخرين، وما هي العروض التي يقدمونها.
• استمع إلى عملائك المحتملين على وسائل التواصل الاجتماعي المختلفة، لأنهم يقوموا بالتعليقات على منتجات أو خدمات قد قاموا بتجربتها من قبل.

حدد هدفك التسويقي:

حدد هدفك التسويقي الذي تكتب إعلانك من أجله بالتالي هتقدر تحقق كيفية عمل اعلان على الانترنت بالخطوات بكل سهولة، هل تريد من عملائك انهم يقوموا بالشراء أو المشاركة أو الحجز او غيرها من الأهداف التسويقية اللي محتاج تحددها من البداية.

لمعرفة طريقة عمل إعلان جذاب على انستجرام.

قم بإجراء البحث اللازم لمنتجاتك أو خدماتك:

قبل البدء في كيفية عمل اعلان على الانترنت بالخطوات، محتاج تقوم بالبحث اللازم لمعرفة مواصفات وتفاصيل منتجاتك أو خدماتك التي ستقدمها لجمهورك المستهدف.

بالتالي محتاج تحدد ما هي مميزات منتجاتك او خدماتك وما هي المشكلات التي يمكنك تقديم الحلول لهامن خلال منتجاتك او خدماتك؟ وما الذي يميزك عن منافسينك؟ وما هي الأسباب التي تحفزهم لشراء منتجاتك؟ يجب ان تضع إجابات محددة لهذه الأسئلة لتحقيق كيفية عمل اعلان على الانترنت بالخطوات فعال.

اتقن مجال الديجيتال الماركتنج عن طريق كورس التسويق الالكتروني من جوجل مجانا واحصل على شهادة معتمدة مجانية.

افهم قواعد البيع:

عند كتابة إعلانك الممول ضع قواعد البيع الثلاثة امام عينيك وهي:

1. الناس لا يحبون فكرة البيع:

في الغالب لا يحب الناس فكرة أن يباع لهم شئ ما، لذلك لا تكتب الإعلان بصيغة انك تقوم بالبيع المباشر لهم، لكن افهم توقعاتهم واحتياجاتهم و قدم لهم منتجاتك أو خدماتك في شكل حلول لمشكلاتهم.

2. الناس يشترون لأسباب عاطفية وليست عقلانية:

بالتأكيد يشتري معظم المستخدمين المنتجات لأسباب نفسية، بالتالي قوم بكتابة إعلان فعال وقم بمخاطبة رغبات جمهورك المستهدف ومشاعره ليجعله يريد شراء منتجاتك على المستوى النفسي.

بشكلٍ عام، اعرف ما الشعور الذي يشعر به جمهورك عندما يقرأ إعلانك، وقم بتحفيز ذلك الشعور من خلال كتابتك لاعلانك الممول وبالتالي هتقدر تقوم بتحقيق كيفية عمل اعلان على الانترنت بالخطوات.

لمتابعة اسعار التسويق الالكتروني في مصر.

3. بمجرد البيع يحتاج الناس لإرضاء قراراتهم العاطفية بالمنطق:

ضع في اعتبارك عند كتابة إعلانك الممول أنه بمجرد ما يقوم العميل باتخاذ قرار شراء منتجاتك، قم بكتابة أسباب منطقية وعقلانية تجعله يشتري منتجاتك لتعزيز دافع شراء منتجاتك لديه.

تحدث عن الفوائد وليس المميزات:

عند كتابة اعلانك الممول وضح الفوائد والحلول التي سيقدمها منتجك لجمهورك وليس المميزات.

اختم الإعلان بدعوة لاتخاذ إجراء:

اختتم إعلانك بجملة تسويقية تدعو بها جمهورك إلى اتخاذ إجراء call to action يحفزهم للقيام بعملية الشراء.

على سبيل المثال، ممكن أن تطلب من جمهورك النقر فوق رابط معين أو شراء منتج محدد، أو سرعة الحجز للالتحاق بدورة تدريبية أو الاستفادة بالخصم عن طريق برومو كود او الكود التسويقي.

بكده وضحنا لك اهم الطرق اللي هتساعدك قي كتابة اعلانك التسويقي بشكل احترافي بالإضافة إلى انك ممكن تستعين بـ افضل شركة تسويق الكتروني في مصر تساعدك في بناء وجودي قوى لعلامتك التجارية على السوشيال ميديا.

في منصتنا نهتم بعرض جميع المعلومات التي تخص مجال الـ ديجيتال ماركتنج بالعربي لذلك من أجل تحقيق كيفية عمل اعلان على الانترنت بالخطوات يجب اولا معرفة أنه يوجد خطوات مهمة يجب اتباعها قبل البدء في عمل الإعلان وهي تتمثل في المراحل الأساسية قبل إطلاق منتج جديد وسنوضحها بالتفصيل.

يوجد 3 مراحل أساسية للتسويق لأي منتج جديد تمر بها وهي:

1- مرحلة ما قبل إطلاق منتج جديد:
وفيها يكون المنتج يتم تطويره ولم يُطلق منه نسخة نهائية بعد، ويكون قابل للتعديل.

من المفترض أن تكون هذه الفترة من3 لـ 6 أشهر تقوم خلالها بعمل استبيانات لعدد مناسب من فئة العملاء المستهدفين التي قمت بتحديدها من قبل.

قبل إطلاق منتج جديد لجمهورك المستهدف يجب اولا من تحليل نقاط القوة والضعف (تحليل سوات SWOT) لمشروعك التجاري.

تحليل سوات SWOT هو تحليل هام في عالم الـ Marketing بالعربي يعبر عن أربع نقاط أساسية في المنتج أو المشروع التجاري، وهي: نقاط القوة “Strengths” ونقاط الضعف “Weaknesses” والفرص “Opportunities” وأخيرًا التهديدات “Threats”، والأحرف الأولى من هذه الكلمات تمثّل مصطلح SWOT المعروف.

يعتبر تحليل سوات أسلوب تخطيط استراتيجي مناسب تتبعه الشركات للتعرف على نقاط قوتها ومكامن الضعف في منتجاتها الحالية أو المستقبلية التي تخص استراتيجة الـ ديجيتال ماركتنج بالعربي الخاصة بمشروعك التجاري. بالإضافة إلى دوره في تحديد الفرص المتاحة لمشروعك التجاري ومواجهة التحديات والتهديدات المحتملة للمنتج.

من الضروري جدًا أن تقوم بـ تحليل سوات لتحقيق كيفية عمل اعلان على الانترنت بالخطوات و قبل إطلاق أي منتج جديد للسوق من أجل زيادة فرص نجاح مشروعك التجاري والتقليل من أي خطر للفشل قد تصادفه عند إطلاق منتجك الجديد لجمهورك المستهدف.

إجراء استطلاع أولي:

بعد تجهيز التصاميم الأساسية للمنتج الجديد لمشروعك التجاري عليك أن تحدد فئة صغيرة من جمهورك المستهدف لإجراء استطلاع أولي حول المنتج لتحقيق كيفية عمل اعلان على الانترنت بالخطوات بطريقة مضمونة.

بالتالي قد يتضمن الاستبيانات منها رقمية وورقية بالإضافة إلى أن يمكن إطلاق نموذج أولي للمنتج بكميات محددة وحصرية لمعرفة اراء عملائك والعمل على تطوير المنتج.

2- مرحلة إطلاق منتج جديد:
وهي المرحلة التي يتم فيها إطلاق المنتج في السوق، و تعتمد هذه الاستراتيجية على استغلال حدث معين مثل وجود مهرجان أو مؤتمر عالمي أو محلي معروف في مجال تخصص منتجك الجديد. وبالتالي تقوم بتوزيع وبيع منتجك الجديد كهدية لجمهورك المستهدف وبالطبع ذلك يساعدك في نشر الوعي بعلامتك التجارية بشكل فعال وقوي وتعتبر هذه الاستراتيجة من استراتيجيات الـ Marketing بالعربي الفعالة التي سوف تساعدك في تحقيق كيفية عمل اعلان على الانترنت بالخطوات.

عند إطلاق المنتج من الممكن ان تصادف شكاوى وربما بعض الانتقادات لذلك يجب ان تكون مستعد انت وفريقك التسويقي أو إذا كنت تتعاون مع افضل شركة تسويق الكتروني في مصر لاستقبال طلبات جمهورك المستهدف وآرائهم وهذا من أحد أبرز عوامل نجاح المنتج الجديد وبالتالي تحقيق كيفية عمل اعلان على الانترنت بالخطوات.

3- مرحلة ما بعد إطلاق منتج جديد:

بعد إطلاق المنتج الجديد في الأسواق يمكنك رؤية ثمرة جهودك عمليًا ومعرفة آراء جمهورك المستهدف. حتى مع التصاميم المثالية، الاستراتيجية التسويقية والإنتاج الكامل للمنتج فقد تظهر هناك بعض النواقص التي قد يوضحها عملائك من خلال تجربتهم، من الممكن ان تكون أخطاءً فنيّة أو مميزات زائدة أو أوجه نقص في المنتج.

أيًا كان نوع الخلل أو المشكلة التي سيكتشفها العميل فيجب أن تسعى لمعالجة هذه المشاكل أو تطويرها في الإصدارات القادمة للمنتج ومن الممكن ان تلجأ الى شركة اعلانات سوشيال ميديا 2023 لمساعدتك في كل مرحلة من مراحل إطلاق منتجاتك بكل احترافية.

بكدة انت عرفت كيفية عمل اعلان على الانترنت بالخطوات والفرق بين المنصات وازاي تختار المنصة المناسبة ليك. ولكن لو حابب تعرف أكتر عن كل منصة منهم وإزاي تحقق أحسن النتائج يبقى انت محتاج تتابع كل مقالاتنا واللي بنتكلم فيها عن كل المنصات المختلفة وكيفية الاعلان على الانترنت سواء على الفيسبوك، انستجرام، محركات البحث المختلفة، وغيرها من طرق الاعلان والتسويق اللي هتخليك تحقق أعلى المبيعات بأقل مجهود وتقدر دايمًا تكسب ثقة الجمهور فيك.